चैत्र ८ धनकुटा
धनकुटाको हिलेमा जीवन विकास लघुवित्त वित्तीय संस्थाले केन्द्र प्रमुख गोष्ठी तथा साक्षरता कार्यक्रम आयोजना गरेको छ ।
जीवन विकास लघुवित्त वित्तीय संस्था हिले शाखाको आयोजनामा भएको कार्यक्रममा ६१ केन्द्रका सहभागीलाई वित्तीय शिक्षा दिइएको छ । कार्यक्रममा प्रमुख अतिथि धनकुटा नगरपालिकाका मेयर चिन्तन तामाङले लघुवित्तबाट लिएको रकम सही सदुपयोग गर्ने दिदी बैनीहरूलाई घर ब्यहवारमा निक्कै सहज भएको बताउनु भयो । उहाँले लघुवित्तबाट लिएका ऋणको सही सदुपयोग गर्न समेत आग्रह गर्नु भयो । विशिष्ट अतिथि जीवन विकास लघुवित्त वित्तीय संस्थाका सञ्चालक समिति सदस्य प्रकाश कुमार श्रेष्ठले संस्थाले अस्पताल सञ्चालन गर्न लागेको सो सो अस्पतालमा पहिलो प्राथमिकता संस्थाका सदस्यहरूलाई हुने समेत बताउनु भयो । कार्यक्रमका अध्यक्ष संस्थाका लघुवित्त विभाग प्रमुख मनोज कुमार साहले संस्थाको अवस्था तथा भावी कार्यक्रमको बारेमा जानकारी गराउनु भएको थियो । त्यस्तै उहाँले कसैको लहलहैमा लागेर संस्थाले ऋण मिनाहा गर्छ कि भनेर भ्रममा नपर्न समेत आग्रह गर्नु भयो । केन्द्रका सदस्यका ७ जना बालबालिका एक वर्ष सम्म निसुल्क शिक्षा तथा शैक्षिक सामाग्री समेत वितरण गरिएको छ । त्यस्तै उत्कृष्ट कार्य सम्पादन गर्ने केन्द्र १४३ लाई प्रथम केन्द्र १, दाेस्राे र केन्द्र ६ तेस्राे पुरस्कृत गरिएको छ । त्यस्तै उत्कृष्ट बचतकर्ताकारु रुपमा ३ र उत्कृष्ट उद्धमीकाे रुपमा ३ सदश्यलाइ पुरस्कृत गरीएकाे सस्थाले जनाएकाे छ ।
समाचार
श्रम स्वीकृति तथा उद्धार सेवा स्थानीय पालिकाबाट, वैदेशिक रोजगारी सहज बन्दै
१७ माघ २०८१, बिहिवार
COMMENT
.