धनकुटाको पाख्रीबासमा आठौँ मेयर कप फुटबल प्रतियोगिता सुरु भएको छ। पाख्रीबास नगरपालिकाको आयोजनामा जालपादेबी मा बि खेलमैदानमा बिहिबारवाट प्रतियोगिता सुरु भएकाे हाे ।प्नतियाेगितामा पालिकाका १० वटै वडाका टोलीको सहभागिता रहेकाे छ । प्रतियोगिताको विजेता टोलीले नगद १ लाख ३५ हजार रुपैयाँ र उपविजेताले ६७ हजार रुपैयाँ पुरस्कार प्राप्त गर्ने नगरप्रमुख ज्ञानबहादुर गुरुङले जानकारी दिनुभयो। ‘स्वास्थ्यका लागि खेलकुद, राष्ट्रका लागि खेलकुद’ भन्ने नारासहित आयोजना हुन लागेको प्रतियोगिताले स्थानीयस्तरमा फुटबल खेलको विकास र खेलाडीको प्रतिभा पहिचानमा सहयोग पुग्ने अपेक्षा गरिएको छ। प्रतियाेगिता आइतबार सम्म सञ्चालन हुने जनाइएकाे छ ।
प्रतिक्रियाहरू (0)