तेस्रो कोप्चे उत्सव सुरु

NewsPalika

मनोरञ्जन

३१ चैत २०८१, आइतवार

134

धनकुटा, चैत्र ३१ गते । नेपाली नयाँ वर्षको अवसर पारेर धनकुटामा आज वाट तेस्रो कोप्चे उत्सव सुरु भएको छ । धनकुटा नगरपालिका–५ स्थित बिहीबारे हटियामा उत्सव सुरु भएको हो । कोप्चे पुनर्जागरण अभियानले तिन दिने उत्सवको आयोजना गरेको हो । उत्सवमा विभिन्न पुराना उपकरण, पुराना खेल, पुराना तस्बिर आदि आकर्षणको रूपमा रहेका छन् । त्यस्तै स्थानीय कला संस्कृती, यस क्षेत्रमा बसोबास गर्ने मुख्य समुदाय नेवारी र धनकुटा नगरपालिका क्षेत्रमा मात्र बसोबास गर्ने आठपहरिया जातिको विभिन्न मौलिक खानाका स्टल, जातीय झल्काउने कला साँस्किृति, भेसभुसा रहनसहन, नृत्य तथा साङ्गीतिक प्रस्तुति मात्र समावेश गरिएको छ । पुरानो बस्तुको जगेर्ना तथा संरक्षण गर्न उत्सव आयोजक संस्थाका सचिव उज्ज्वल कर्माचार्यले जानकारी दिनुभयो

धनकुटा नगरपालिका–५, स्थित तल्लो र माथिल्लो कोप्चे कुनै बेला पुरानो बजारका रुपामा मात्र नभई व्यापारीका केन्द्रका रूपमा चिनिने गरिन्थ्यो । तर पछिल्लो समय विकास बढेसँगै यस ठाउँको चहलपहल र व्यापार व्यवसाय समेत शून्य भएकाले यसलाई जागरण गराउने उद्देश्यले तिन दिने फेस्टिभलको आयोजना गरिएको जनाइएको छ ।