धनकुटा, भदौ ६ गते । धनकुटाको हिलेमा आज वाट चौथो हिले ब्याडमिन्टन प्रतियोगिता सुरु भएको छ । हिले ब्याडमिन्टन क्लबको आयाेजनामा हिले स्थित ब्याडमिन्टन क्लबको हलमा प्रतियोगिता सुरु भएको हो । प्रतियोगिता प्रदेश स्तरीय भेट्रान मेन्स डबल, नगरपालिका स्तरीय मेन्स डवल, वि लेबल मेन्स डवल र उमेन डबल गरी चार इभेन्टमा खेलाइने आयोजकले जनाएको छ । प्रतियोगितामा मेन्स डबलमा २८, वि लेबल मेन्स डबलमा ३२ र भेट्रान तर्फ १३ र उमेन डबल तर्फ ५ टिम गरी कुल ६८ टिमको सहभागिता रहेको क्लबका अध्यक्ष आसिस गोङ्वाले जानकारी दिनुभयो ।
दुई दिन सञ्चालन हुने सो प्रतियोगितामा मेन्स डबल तथा भेट्रान तर्फका विजेताले ३१ हजार उपविजेताले १७ हजार तथा तेस्रो हुनेले पाँच पाँच हजार रुपैयाँ हात पर्ने छन् । त्यस्तै वि लेबल मेन्स डबल तर्फका विजेताले २० हजार उपविजेताले १० हजार तथा तेस्रो हुनेले तिन तिन हजार रुपैयाँ ३२ र तर्फका विजेताले पाँच हजार र उपविजेताले तिन हजार हात पार्ने क्लवका सचिव सन्तोष श्रेष्ठले जानकारी दिनुभयो । प्रतियोगिता धनकुटा नगरपालिकाका मेयर चिन्तन तामाङले उद्घाटन गर्नु भयो ।
समाचार
श्रम स्वीकृति तथा उद्धार सेवा स्थानीय पालिकाबाट, वैदेशिक रोजगारी सहज बन्दै
१७ माघ २०८१, बिहिवार
COMMENT
.