धनकुटाका सात स्थानीय तह मध्ये पाख्रिवास नगरपालिका उत्कृष्ट बन्न सफल भएको छ । आ.व. २०८०।८१ को स्थानीय तह संस्थागत क्षमता स्वमूल्याङ्कन (लिसा) मा पाख्रिवास नगरपालिका उत्कृष्ट बन्न सफल भएको हो ।
सङ्घीय मामिला तथा सामान्य प्रशासन मन्त्रालयले हरेक वर्ष शासकीय प्रबन्ध, सङ्गठन तथा प्रशासन, वार्षिक बजेट तथा योजना व्यवस्थापन, वित्तीय र आर्थिक व्यवस्थापन, सार्वजनिक सेवा प्रवाह, भौतिक पूर्वाधार, सामाजिक समावेशीकरण, वातावरण तथा विपद् व्यवस्थापन र सहकार्य र समन्वय गरी ९ क्षेत्रको कार्य सम्पादन मूल्याङ्कन गरी पुरस्कृत गर्दै आएको छ ।
यी सबै सूचकहरूमा पाख्रिवास नगरपालिकाले १०० मा ८२ प्रतिशत अङ्क प्राप्त गरेको स्वमूल्याङ्कन घोषणा गरेको छ । यसमध्ये समग्र स्थितिमा ८८.१ प्रतिशत, प्रक्रियागत स्थितिमा ७७.९४ प्रतिशत र परिमाणात्मक स्थितिमा ८२.२२ प्रतिशत अङ्क स्वमूल्याङ्कन गरेको छ । त्यस्तै संस्थागत क्षमता स्वमूल्याङ्कन (लिसा)मा सहिदभूमि गाउँपालिका दोस्रो वनेको छ । गाउँपालिकाले १०० मा ८१.७५ अङ्क प्राप्त गरेको छ । त्यस्तै चौबिसे गाउँपालिकाले १०० मा ८१.५ अङ्क प्राप्त गरी तेस्रो भएको छ । ८०.५ प्रतिशत अङ्क प्राप्त गर्दै महालक्ष्मी नगरपालिका चौथो, साँगुरीगढी गाउँपालिकाले ७९.५ प्रतिशत अङ्क प्राप्त पाँचौँ वनेको छ । त्यस्तै ७६.६२ अङ्क प्राप्त गर्दै धनकुटा नगरपालिका छैटौँ र छथरजोरपाटी गाउँपालिका अन्तिम स्थानमा रहेको छ ।
समाचार
श्रम स्वीकृति तथा उद्धार सेवा स्थानीय पालिकाबाट, वैदेशिक रोजगारी सहज बन्दै
१७ माघ २०८१, बिहिवार
COMMENT
.