धनकुटामा भइरहेको एभोकाडो खेती, रोग कीरा, उत्पादन र गुणस्तरमा देखिएका समस्या र समाधानका उपायबारे अध्ययन गर्न विदेशी कृषि वैज्ञानिक सहितको एक टोली धनकुटा आएको छ । एसियाली विकास बैङ्क, नार्क र नाफाको वैज्ञानिक सहितको प्राविधिक टोली धनकुटा आएको हो ।
ब्यापक रुपमा बगैँचा बिस्तार हुँदै गएको धनकुटामा एभोकाडोको बोट ओइलाउने, फल झर्ने, जरा कुहिने, झुसिले लाग्ने जस्ता समस्या छन । टोलीले सुन्तला खेतीको विकल्पका रूपमा हेरिएको एभोकाडो खेतीमा देखिएका यिनै समस्याको अध्ययन र समाधानका उपायबारे किसानसँग छलफल गरेको छ । त्यस्तै एभोकाडोको जातीय पहिचान, नर्सरी र बगैचा व्यवस्थापन बारे पनि अध्ययन गरिएको टोलीले जनाएको छ । पहाडी क्षेत्र कास्ठफल तथा फलफूल विकास आयोजना (नाफा), नेपाल कृषि अनुसन्धान परिषद्का कृषि वैज्ञानिक र प्राविधिकहरूले पाख्रीवास, सुन्तला जात अनुसन्धान केन्द्र पारिपात्ले लगायत स्थानका बगैचा तथा नर्सरी अनुगमन गरेको हो । किसानका वारि र बगैचामा देखिएका समस्यामा आधारित भएर अनुसन्धान अगाडी बढाएर समाधानका लागि प्रविधि विकास गर्दै जाने नार्कका कृषि वैज्ञानिक अमर पुनको भनाइ छ ।
समाचार
श्रम स्वीकृति तथा उद्धार सेवा स्थानीय पालिकाबाट, वैदेशिक रोजगारी सहज बन्दै
१७ माघ २०८१, बिहिवार
COMMENT
.