धनकुटा, भदौ १० गते । सङ्खुवासभाको मुढे बजारमा बहु आयामिक नमुना पुस्तकालय निर्माण गरिएको छ । परम्परागत पुस्तकालय प्रणालीलाई विस्थापन गर्दै धर्मदेवी नगरपालिका ३ मा समुदायको मागमा आधारित बहु आयामिक नमुना पुस्तकालय निर्माण गरिएको हो । रिड नेपालको २ करोड ८३ लाख र धर्मदेवी नगरपालिकाको ५० लाख रुपैयाँको लागतमा कुल ३ करोड ३३ लाख रुपैयाँको लागतमा पुस्तकालय निर्माण गरिएको धर्मदेवी सामुदायिक पुस्तकालय तथा श्रोत केन्द्रका अध्यक्ष भीम बहादुर लिङ्खाले जानकारी दिनुभयो ।
दुई कार्यक्रम हल सहित बनेको उक्त नौ कोठे भवनमा बालबालिका कक्ष, युवा अतिरिक्त, महिला, बहुप्राबिधिक, आइसिटी, पुस्तकालय, र जोखिम न्यूनीकरण कक्ष साथै अपाङ्ग मैत्री कक्षा, समेत रहेका छन् । पुस्तकालयमा तीन हजार भन्दा बढी पुस्तकहरू रहेका छन् । त्यस्तै पुस्तकालयले स्थानीय स्तरमा आबश्यक्ता अनुसार विभिन्न तालिम तथा परामर्श समेत दिने उद्देश्य सहित स्थापना गरिएको रिड नेपालका डेपुटी डाइरेक्टर चिनाकाजी श्रेष्ठले जानकारी दिनुभयो । आगामी दिनमा स्थानीय स्तरमा रहेका बौद्धिक, सांस्कृतिक तथा सामाजिक क्षेत्रमा रहेको विभिन्न विषयमा पुस्तकहरू प्रकाशन गर्दै जाने लक्ष राखेको उहाँको भनाई छ ।
पुस्तकालय आगामी भदौ १५ गते पुस्तकालय दिवसको अवसरमा उद्घाटन गर्ने तयारी गरिएको छ । पुस्तकालयले पुस्तक प्रतिको मोह मात्र नभई स्थानीयको जीविका र आयआर्जनकोको पाटोमा समेत धेरै सहयोग गर्ने धर्मदेवी नगरपालिकाका प्रमुख उदय चन्द्र पौडेलले जानकारी दिनुभयो ।
समाचार
श्रम स्वीकृति तथा उद्धार सेवा स्थानीय पालिकाबाट, वैदेशिक रोजगारी सहज बन्दै
१७ माघ २०८१, बिहिवार
COMMENT
.