सङ्घ प्रदेशको बजेट फिर्ता जाने क्रम बढेको गुनासो

NewsPalika

विविध

१६ भदौ २०८२, सोमवार

धनकुटामा स्थानीय तहको असल अभ्यास सम्बन्धी अनुभव आदानप्रदान तथा आर्थिक वर्ष २०८१÷०८२ को वार्षिक प्रगति समीक्षा कार्यक्रम आयोजना गरिएको छ । धनकुटा जिल्ला समन्वय समिति धनकुटाले आयोजना गरेको सो कार्यक्रममा धनकुटामा प्रदेश र सङ्घीय सरकार बिचका कार्यालय बिच समन्वय नहुँदा धेरै बजेट फ्रिज हुने क्रम बढेको एक कार्यक्रमका सहभागीले बताएका छन् । धनकुटा नगरपालिकाका मेयर चिन्तन तामाङले “सङ्घ र प्रदेशका कार्यालयले स्थानीय तहसँग समन्वय नगर्दा स्थानीय विकासका अनेक कार्यक्रम रोकिएको गुनासो गर्नु भयो । धनकुटाका प्रदेश सभा सदस्य इन्द्रमणि पराजूलीले पनि बजेट फिर्ता हुने क्रम बढेकाले एक अर्का बिच समन्वय गर्न आवश्यक रहेको बताउनु भयो । त्यस्तै अर्का प्रदेशसभा सदस्य निरन राईले कार्यालय प्रमुख र सम्बन्धित जनप्रतिनिधि बिच समन्वयमा जोड दिनुपर्ने बताउनु भयो । धनकुटाका सङ्घीय सांसद राजेन्द्र राईले सबैले आआफ्नो स्थान वाट सकेसम्म राम्रो काम गर्नु पर्ने बताउनु भयो ।

कार्यक्रममा सहभागी अधिकांशले स्थानीय तहको क्षमता अभिवृद्धि र समन्वय सुधारका लागि सुझाव दिएका थिए । प्राप्त सुझावलाई सङ्कलन गरी सम्बन्धित निकायमा जिल्ला समन्वय प्रमुख निरेन तामाङले जानकारी दिनुभयो । स्थानीय तहले गरेका असल अभ्यास र प्रगति समीक्षा गदै कार्यक्रम दुई दिन सम्म सञ्चालन हुने छ ।

सोही कार्यक्रममा स्थानीय तह संस्थागत क्षमता स्वमूल्याङ्कन लिजामा प्रथम हुने चौबिसे गाउँपालिकाले दोस्रो हुने सहिदभूमी गाउँपालिका र तेस्रो हुने पाख्रीबास नगरपालिका लाई सम्मान समेत गरिएको छ ।